أغلا القصايد بالملك تاتي وتفخر وتحبي=ماتعبتني وبطرف صبعي كذا ناديتها
وماجيت من أرض السعودية وانا مس شنبي=اغلا الديار اللي ورى ذاك الجسر خليتها
الا عشان أسأل سمو الشيخ خالد وش يبي؟=واعد له أطلق قصيدة بالملك خطّيتها
ياسيداتي سادتي يا أيّها الشعب الأبي=شيوخ / شيخات وجماهير(ن) هنا حطّيتها
اليوم/ جيت بشعري الوافي ولاني بابن ابي=ان كان ما جبت الجزيله وبفخر عدّيتها
انّي أنال اعجاب ( ابو سلمان) هذا مطلبي=والا تركت الساحه الشعبيّه وكبّيتها
ياسيّدي شاعر وفي حضرة سموّك معجب(ي)=اعجاب في هيبة ملك والمملكة حبّيتها
في داركم ياسيدي ماحس اني اجنبي=لان الامور موحّده من بيتها لابيتها
ذكرك ترسله الرياض لمسقط ولابو ظبي=والدوحه ترسل علومك بالقمم لكويتها
واللي يقول ان مملكتك محافظه تسبي سبي=أرضه ولا تسمح يمس ترابها أو صيتها
تقول له العب بعيد ولا تقرب يا صبي=والنار ياوجه الفلس تندم اذا شبّيتها
تبي تظم المملكة؟/مانت بكفو/لاوتهبي=هذي ديار ( أبن خليفه) تبطي وماجيتها
أقولها وانا ( ولد عيسى) ذرى امّات العبي=اللي حكمها ثم عطانيها وانا عزّيتها
ياسيدي أترك تفاهات الغباوه للغبي=والا انت دايم مملكتك ان نادتك لبّيتها
تاتي محلّق بالسما تهبط ثم تقول أركبي=علّيتها فوق السحاب وللسما شلّيتها
وصار المواطن يفتخر في اسمها ما يختبي=ويقول انا فدوة تراب المملكة فديتها
وياسيدي سلّم على شيخ(ن) لمحته في دبي=انا اشهد انه شيخ شيخ وطنخته حسّيتها
كانّه يقول لبنت سيد القوم قومي والعبي=والمعركة باسمي تسجّل دامني طبّيتها
( الشيخ ناصــر بن حمــد) صلّوا على أطهر نبي=معنى الرجولة في سموّه والله اني ريتها
ولآل الخليفـــه كلّهم تاتي القصيدة وتحبي=وعقّبني الفنجــال يا( احمـد ) كان ما وفيّتها