لامن زمانك شان و أضناك بالحيل= و تزايمـت فيـك الهمـوم الثقيلـه
ارفع يدينـك بالدعـاء و التهاليـل =و إخلص رجاك لواحدٍ نرتجي لـه
كم واحدٍ عانى عـذاب و غرابيـل =تسعفه رحمة من يسـوق المخيلـه
أيوب شف أيوب عقـب البهاذيـل =بالصبر و أسباب الدعاء زان ميلـه
في قصته أسمى المعاني و تمثيـل= للعابـد اللـي فـي يقينـه دليـلـه
و اللي توكل لـه مـن الله توكيـل =ويفرج عليـه بقدرتـه ثـم يعليـه
بس أنت داوم بالدعاء واقنت الليـل =وتلقى الفرج من عبقها لك حصيلـه
ولا تقنط الرحمـه ترهـا تساهيـل =ولا لا تقول إن كربتـك مستحيلـه
ورافق كتاب الله قرايـه و ترتيـل =فيه الشفـا للنفـس لاهـي عليلـه
من بعدها دور ما بيـن الرجاجيـل= اللي على مـا قيـل يسـوى قبيلـه
خله شويرك في الليالـي المقابيـل= وإترك هذاك اللي يجـض بعويلـه
ترى الرجال أنواع مثل المحاصيل= شي ٍ يفيـد وشـي يتـرك نثيلـه
وإما لقيت الحل مـن راس حلحيـل = والا تـراه بيسنـدك يـا زميـلـه
ويسخره ربك على الهـم و الويـل=ويكون لك مثـل البـرد فـالمليـه
وإحرص عليه إن حده الجور والميل =وحذراك تنكـر يالسنافـي جميلـه
ترى الجحود أمقت طباع المهابيـل =ومن لا يحسب الدايره مـا تجيلـه
وإزباد هرجي في سيـاق التماثيـل =ياللي غشاك الهم وأزريـت شيلـه
قربك من الله مع مخاوى المشاكيـل =هي في جلا ضيم الهمـوم الكفيلـه
فيا راكبٍ مـن عندنـا بالمراسيـل =إسر وتوكـل بالـذي ننحنـي لـه
اكفـخ هَمـام ولا تهـم العراقيـل =من فوق ما تطوي المسافات ويلـه
سمـي (بنورامـا) تميـز وتدليـل =عن كـل مركـب وردوه بمديلـه
ساعة تشوفه يسلب العقـل ويهيـل =منك العيون الشاخصـه و الذهيلـه
ويبهرك في شكله وأدق التفاصيـل =صمم لأصحاب السمـو والفضيلـه
وأكبر طموح أهل الترف والمناويل =وحلم القنوع اللي قصر عنه حيلـه
لبليتته قيمـه و معنـى وتفضيـل =لو هي مجرد لوحـة(ن) مستطيلـه
تفضيلها بحروفهـا عنـد تسجيـل =مليكيته يوم أنشـرى مـن وكيلـه
فيها حروف أهل القَرى للمداخيـل =(ي ا م) الكرام معدلـة كـل ميلـه
وما مشتراه اقصـاد وإلا بتمويـل =مدت كريم إليـا عطـى زاد كيلـه
من لابتي أهـل القنـا والمصاقيـل =آلاد حارث بن كعـب راس جيلـه
خلقـوا نـداد الكايـده والمثاقيـل =وللطيـب منبـع سايـغ بسلسبيلـه
وإن عقدت روس الفتل والمحابيـل =بأفعالهـم فـل العقـد و الفتيـلـه
عليه يالمنـدوب مـن دون تأجيـل =ملفاك أبو مشاري عريـب السليلـه
نعم الخوي (حسين) من ترثت قفيل =صلب القشانيـن الزحـول النبيلـه
قوم ٍ تعلوا صهوة المجـد والخيـل =و ياكـم تراكـوا للجسـام المهيلـه
في طيبهم وصف السحاب الهماليـل =وفي باسهم سقـم الكبـود المغيلـه
وإن جيت للشور المحكحك قناديـل =تجلا العسـام و للغـداري محيلـه
كبيرهم مـا شبهـه كـود بسهيـل =تشبيه واقـع مختصـر لـه دليلـه
دليله إن المرجله ورث مـن جيـل =مضي بكسـب علومهـا والنفيلـه
وجدودهم ما ورثوا غير مـا قيـل =عنه الفخر والعـز واسبـاب نيلـه
ويا كثر ما هم سطروا من أفاعيـل =ترقى بهم حـد السمـاء كـل ليلـه
فلا جيت أبو مشاري رفيع المنازيل =ورَحَب عقـاب النايفـه والطويلـه
سلم عليه إعـداد رمـل الغراميـل =و عد المطر واعداد ما سال سيلـه
سلامٍ أزكى من شذا البـن والهيـل =وأندى من العشب الخضر فالخميلـه
ينساق له قـدر ومعـزه زرافيـل =والقصد وصلـه والقوافـي وسيلـه

لامن زمانك شـان هـم وتهاويـل =وجاتك همـوم ٍ كالجبـال الزحيلـه
تبرك مثل برك الجمـال المحاميـل =وتدوس قلب ٍ صـار همـه عميلـه
أطلب رفيع الشأن راعـي المخاييـل =منشي السحاب أللـي تزايـد هميلـه
حامي حرم بيته وقاهر هـل الفيـل =الواحـد المعبـود منجـي دخيـلـه
يارب لي صارت دروبـي عراقيـل =يـارب تجعلهـا عليـنـا سهيـلـه
يـارب يامنـزل قـران وتـأويـل =حتـى نفـرق بيـن خيـر ورذيلـه
أعوذ بك يـارب مـن شـر ماقيـل =وإبليـس وفعولـه ودرب الفشيـلـه
إبليس من ساعد علـى جُـرم قابيـل =حتى قتـل هابيـل وأصبـح قتيلـه
من بعدهـا مـادام جـات التماثيـل =أبيـوت شعـر وا صلتنـي جزيلـه
من شاعرمن راس قـوم ٍ حلاحيـل =آلاد حــارث كاسبـيـن النفيـلـه
يسجل التاريـخ جيـل بعـد جيـل =غاراتهـم بسيـوف هنـدٍ صقيـلـه
وإن ثارت الهيجاء وطارت دساميـل =ثم نقضن بيـض العـذارى الجديلـه
تارد حياض الموت ورد المشاميـل =علـى قليـب العـد وقـت المقيلـه
ياجعـل تفداهـم وجيـه مسافـيـل =ضعف النفوس أهل العلـوم الهزيلـه
ولبيه يافـارس تطيـب المواصيـل =ابشر بعزك فـي العلـوم الأصيلـه
ياشـوق شقـر مشطـات المجاديـل =أم العيـون الناعـسـات الكحيـلـه
قافك يابـو هيـاف خلانـي أعيـل =والرجل تـأوي لـه لماجـاه عيلـه
كم شيخ قومٍ مـن رجـال فطاحيـل =ينـوح لشجـون الحمـام وهديـلـه
وكم فارسٍ خيّال فوق أدهـم الخيـل =ويضيع لوشاف الرمـوش الظليلـه
في عبس عنتر عاش مـر التناكيـل =وابـن الملّـوح ذاق فرقـى خليلـه
وإن كان تشكي الدين سقنا المراحيـل =ونشيـل حملـك لايهمـك ثقيـلـه
وإن كان شفك فـي دلال ومعاميـل =والبن الاشقـر فائـح (ن) زنجبيلـه
شبيت ناري وأنـت فـال الفناجيـل =فنجالهـا لـول حـرام ٍ تجـي لـه
ولك الكرامه عندنـا حايـل الحيـل =عاداتنـا ماهـي بوجـبـة بليـلـه
وإن كان شفك بالقنـص والتجاويـل =أبشر وأنا بالـدار مـا ابغـى دليلـه
طعامنـا , وسلاحنـا , والدرابيـل =وسجة قدم تبـري القلـوب الغليلـه
نسوقهـا لـي حـد دار المناهـيـل =شرق ٍ وغرب ٍ فـي بـلاد ٍ جميلـه
وإن كان هاوي للبحـر والأساطيـل =نرسي علـى مينـاء يسمـى مليلـه
بالأطلسي تهنـى الكبـود المغاليـل =ونشـوف وقـع أجدادنـا والهويلـه
عند المظيق وبيـن روس النهاليـل =يوم العـرب شبـت بـراس الفتيلـه
وإن كان تبغاها علـى ديـرة النيـل =وتطرب لشوف آثار مصر ٍ ونيلـه
دار بها رمسيـس والعالـم زويـل =وأهـرام فـي بنيانهـا مستحيـلـه
وإن كان تبغى الجو ماحـن مكابيـل =وكفوفنـا ماقيـل عنـهـا بخيـلـه
والله يقدينـا نـعـرف المداهـيـل =والطيب مانرضـى بـدرب ٍ بديلـه
وهرجٍ ومرجٍ وإنحـرافٍ وتطبيـل =عـار علينـا فـي سلـوم القبيـلـه
نلبس شماغ , ومرعز, وثوب تفصيل =ماحـن نحـب البالطـو والفنيـلـه
ولا نحـب المسخـره والزغالـيـل =وحيوا سميره وافرحوا فـي كميلـه
نخاف من قولـة شبـاب ٍ مهابيـل =راحوا وصاروا فـي عـداد الشليلـه
يالله تجمعنا علـى الخيـر وتزيـل =تزيـل هـم الوقـت يالله تزيـلـه
وآشوف أبو هياف مايكفـي إيميـل =وجهاً لوجه يزورني واحتظـي لـه
واهديه فل وعنبـر وكـادي إكليـل =بستـان ورد فايـح فـي خميـلـه
معطـره ومقدمـه فـي منـاديـل =من كل نوع وكـل لـون وفصيلـه
مـع نسيـم بـارد يبـري الـويـل =من كل نوع وكـل لـون وفصيلـه